دورة الخل للغسالة الاوتوماتيك
دورة الخل للغسالة الاوتوماتيك ........
- معروف إن دورة الخل هي دورة غسيل لحلة الغساله الداخليه والخارجية، ومجموعة الصرف وكمان چوان الباب.
- وهدفها ازالة كل رواسب الغسيل ورواسب المسحوق ورواسب املاح المياة.
- ما هي مكونات دورة الخل ؟
- لو بقالك فترة طويله معملتيش دورة خل للغساله هانجهز زجاجتين خل طعام نوع كويس زي بيور او كريستال او اي نوع خل ريحته تكون قوية ونفاذه، أو نص كوباية خل خام من اي محل للكيماويات.
- معلقتين كبار من ملح الليمون ومعلقتين كبار كربوناتو .
- دورة الخل مش بنستعمل فيها لا مسحوق ولا معطر ولا كلور.
-- طريقة عمل دورة الخل ....
-- عشان نعمل دورة الخل صح ونتأكد ان الغساله فعلا استفادت بيها هنعمل هذه الخطوات دي لجميع ماركات الغسالات .
-- هنضع ملح الليمون والكربوناتو بس في درج المسحوق.
-- ونشغل الغساله على برنامج القطن ونظبط درجة الحرارة على ٩٠درجة ونشغل الغساله ونقف جنبها ثواني.
-- اول ما نسمع صوت المايه ابتدت تنزل في درج المسحوق هانفتح الدرج نص فتحه ونفضي الخل بتاعنا مع المايه.
-- هانسيب البرنامج يشتغل للاخر لغاية ما يخلص خالص.
-- بعد مانخلص دورة الخل نسيب باب الغساله مفتوح لمدة نص ساعه عشان الرطوبة ونمسك اي فوطه نمسح بيها چوان الباب كويس من الداخل ومن الخارج.
-- هانفك فلتر الغساله وبنلفه ناحية الشمال ونسحبه لبره نغسله وننضفه ونركبه زي بنفس طريقة الفك بالظبط ودا بنفكه مره كل أسبوع أو أسبوعين ومهم جدا اننا نفكه وننضفه.
-- هانفك خرطوم المايه اللي واصل للغساله من الحنفيه وهانلاقي في الخرطوم فلتر او مصفاه هانفكها ونغسلها بفرشاة اسنان قديمه ونركبه زي بنفس طريقة الفك بالظبط ونركب الخرطوم مكانه في الحنفيه.
-- وبكده نكون قدمنا خطوات دورة الصيانه اللازمه للغساله عشان نحافظ عليها وعلى ريحتها وعمرها الافتراضي.
فريق// أوه لايف
