كبده اسكندراني
-- كبده اسكندراني .....
- الكبدة الإسكندراني، من الأكلات المحببة والخفيفة وسهلة في تحضيرها، بس بدل ما ناكلها من الشارع ونتعب ، وخاصة لو في أطفال، نعملها في البيت لأولادنا بطريقة سهلة ومقادير بسيطة، وتكون وجبة خفيفة، ومضمونة كمان .
-- مقادير الكبده الاسكندراني .....
- نص كيلو كبده
- 10 فصوص توم مفرومين
- 3 معالق خل كبيره
- كسبره وكمون وملح وشطه (اختياري)
- ىفلفل اخضر متقطع
- لمونتين
-- طريقة تحضير الكبده الاسكندراني .....
- هنتبل الكبده و نضع عليها الخل والتوم والكسبره والكمون والملح ونقلبها ونسيبها مش اقل من ربع ساعه .
- في طاسه تيفال نضع زيت كتير ونسيبه يسخن عشان لما الكبده تنزل تحتفظ بقوامها متتهريش .
- منقلبهاش كتير عشان متتهريش دقيقتين كدا ونقلبها ونسيبها خمس دقايق الكبده اصلا مبتاخدش وقت عاي النار عشان متشدش ف الاكل .
- بعد كدا ننزل بالفلفل المتقطع وندوقها ونظبط ملحها وشويه ونطفي عليها .
- قدميها مع بطاطس محمرة وسلطة ، ومكرونة ، وبألف هنا ،،،
فريق// أوه لايف
