GPJoe6CgZv.gif
 

-- معلومات بسيطه للمبتدئين فى السواقة علشان نبقى تمام .. (خاصة السيدات )

- تتاكدى من الماية .
- تتاكدى من الزيت ولو لقيتى الزيت لونه شبه الطحينة يبقى متتحركيش بالعربية لانها كدا طحنت وهتبوظى الموتور.
- تلفى عالاربع فرد كاوتش تتاكدى ان مفيش حاجة نايمة .
- تظبطى قعدتك دراعك ميبقاش مفرود للاخر لان مع اول فرملة قوية ايدك هتتكسر .
- رجلك تبقى طايلة الدواسات وجايبة الدبرياج للاخر لو مش طايلة الدواسات ومش طايلة تشوفى الكبوت اقعدى على مخدة .
- تظبطى المرايات .
 
- ندوس دبرياج نمور الفتيس ندور العربية علشان لو دورنا وهى واخدة غيار هتنط مننا .
- متنسيش تنزلى فرامل اليد علشان الطنابير متبوظش .
- لازم نثبت المكان اللى هنركن فيه علشان لو قبل ما نطلع بالعربية لقينا بقعة تحت العربية نبقى عارفين ان دى مننا وننتبه ان فى حاجة غلط .
 
- لما نركن منحضنش عالرصيف علشان لو الفردة نامت يبقى عندنا وسع نحط الكوريك ونغيرها وتتطلع من مكانها الا اذا كان معاك كمبروسر هوا .
- ركزى مع التابلوه اى نور يظهرلك فجأة اقفى وافهمى دا بتاع ايه .
- خلى بالك من النور العالى بالليل بيزعج اللى قدامك فى العكسى .
- اتاكدى ان فى بنزين اكتر من ربع التانك علشان الشوائب .
- اتعلمى تنضفى قواطيش البطارية لو عربيتك وبطاريتك قديمة بس بشرط تكونى شايلة المفتاح من الكونتاكت .
- رجلك تبقى خفيفة عالبنزين .
 
فريق// أوه لايف
 

مواقيت الصلاة

اسعار العملات

دراجات الحرارة

اخبار متنوعه

Advertisement