بمناسبة ظهور نتيجة الثانوية
-- بمناسبة ظهور نتيجة الثانوية، كلمتين لأولياء الأمور....
- - لازم تحس بأولادك الفترة دي ابنك أو بنتك، حاول تفهمهم أنهم أهم من الثانوية وأهم من المجموع وأهم من أي حاجة، صحتهم و وجودهم جمبك أفضل من ده كله، ربنا هيكرم ابنك بإذن الله بالمجموع اللي ربنا كاتبهوله من قبل حتى ما يتولد، وإن شاء الله يوفقه باللي هو حابه، بس بلاش تضغط عليه ارجوك .
- ابنك محتاج حد جمبه الفترة دي، محتاج حد يطمنه، محتاج حد يقوله كمل واستمر، محتاج حد يقوله أنت عملت اللي عليك و احنا مبسوطين بيك وراضيين ب اللي هتجيبه، نظرتك لابنك او لبنتك بعد النتيجة هيفضل فاكرها طول عمره، ارجوك خلي رد فعلك يكون إيجابي تجاهه مهما كانت النتيجة..
- النتيجة هتتنسى، بس نظرتك لابنك أو بنتك يومها عمرها ما هتتنسى ف اوعى تخذله..
- بلاش كل سنة نفقد أولادنا، سواء وفاة طبيعية، أو انتحار، أو حد يرمي نفسه من فوق كوبري، بسبب نتيجة الثانوية العامة، بلاش يحسوا، إن في كابوس اسمه الثانوية العامة .
ربنا يوفق ويحفظ أولادكم وأولادنا جميعاً ،،
فريق// أوه لايف
