قضاء حوائج الناس
-- مفيش واحد فينا يقدر يعمل كل حاجة بنفسه..
-- هنفضل طول عمرنا نحتاج بعض ونكمل نقص بعض..
-- وأكبر دليل هو كلام النبي ﷺ: "المُؤْمِنَ للمؤمنِ كالبُنْيانِ يشدُّ بَعضُهُ بعضًا"..
وعشان كده هنتفق مع بعض على شوية حاجات نبدأ نعملها ونكمل بيها حياتنا...
1. لو حد لجأ لك في حاجة وانت فعلا تقدر تعملها، بلاش ترده واستشعر قول النبي ﷺ: "لأَنْ أمشيَ مع أخٍ في حاجةٍ؛ أَحَبُّ إليَّ من أن اعتكِفَ في هذا المسجدِ يعني مسجدَ المدينةِ شهرًا".
2. وانت بتقضي حاجة أخيك، اقضيها بإحسان واوعى تماطله أو تذله أو تخليه عايش في توتر إنك ممكن تنساه وتتخلى عنه، فالله عز وجل قال: " وَأَحْسِنْ كَمَا أَحْسَنَ اللَّهُ إِلَيْك ".
3. لو مش قادر تقضي حاجة أخيك بنفسك، دور حواليك على حد ممكن يساعده، ولو بردو مقدرتش يبقى ساعده بالدعم النفسي والدعاء، فالنبي ﷺ قال: "ما مِن عَبْدٍ مُسْلِمٍ يَدْعُو لأَخِيهِ بظَهْرِ الغَيْبِ، إلَّا قالَ المَلَكُ: وَلَكَ بمِثْلٍ".
4. لو قررت في مرة تعتذر لحد عن قضاء حاجته، اعتذر بأدب وإحسان ورحمة بحال أخيك.
5. اوعى في يوم من الأيام تمل من حاجة الناس إليك، دي نعمة كبيرة جدا، سيدنا ابن عباس رضي الله عنهما قال في حديثه عن ثلاثة كأنهم فعلوا له معروفا كبيرا: "والثالث لا أقدر أن أكافئه حتى يكافئه رب العالمين عني من أنزل بي الحاجة لم يجد لها موضعا غيري".
(( اللهم استعملنا ولا تستبدل بنا))
فريق// أوه لايف
