ارضي بما قسمه الله لك
**بنبصش لحياة غيرنا، مش مقياس نقيس حياتنا بحياة غيرك ..
-- إنت ربنا أمرك متبصش لحياة غيرك وتنقم على حالك!
- تركز بحياتك ويكون في قلبك رضا وقناعة برزقك من ربنا، تشتغل على نفسك قدر استطاعتك وكله توفيق من ربنا..
- لكن متقولش فلان راكب عربية وأنا لا!
- فلان بياكل في مطعم وأنا لا!
-فلان بيلبس، بيتفسح، بيعمل.. وأنا لا .. ربنا معطي لكل واحد رزقه 24 قيراط ..
- إنت مينفعش تتحكم في حياة غيرك وتقول:- انت بتعمل كذا لي ومش بتراعي شعور غيرك!
- لكن تتحكم في نفسك وترضى بعدل وقسمة ربنا وتحط كلام ربنا قدام عينك..
وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ.وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ.-وتبقى عارف ان الناس طبقات، ومحدش هيروح يخبي نفسه يعني وهو بيتبسط ولا بياكل ولا بيلبس!
- قبل إلقاء كلام ملوش لزمة على غيرك؛ اسعى تصلح من حالك وحال قلبك! 
- خد بالك، ممكن اللي بيكون مرتاح في حاجة، نقصه حاجات تانية كتير، ربنا ادهالك ..
ارضي بما قسمه الله لك .. واتمني الخير لك ولغيرك ..
فريق// أوه لايف
