** شوية نصائح ممتازة للبيت ...
** شوية نصائح ممتازة للبيت ...
-- اغسلي التلاجه كل إسبوع بمياه دافيه وخل وكيس فانيليا هتطلع ريحتها زى الفل .
-- دايما رتبي التسريحه بتاعتك وشيلي اي كركبه من عليها .
-- متحطيش المواعين اللي غسلتيهم فالمطبخ ع طول هيعمل كمكمه نشفيهم كويس قبل ما تحطيهم .
-- كل فتره امسكي دولاب المطبخ فضيه ونضفيه وسيبيه مفتوح يتهوي .
-- وانتي بتقلي السمك حطي حته لمونه بالقشر مش هيخلي ريحه زفاره .
-- ملايات السرير تتغير كل ٣ ايام ف الصيف والشتاء مرة كل إسبوع .
-- كل فتره شوفي دولابك اللي مش جاي مقاسك طلعيهم لله .
-- لما يتبقي منك اكل بدل ما تحطيه فى التلاجه وفى الاخر يبوظ هاتي علب بلاستيك وحطيهم وزودي عليهم حاجه وطلعيهم لاي عامل نضافه تبقي زكاه .
-- في الصيف بنشرب حاجه ساقعه كتير وبيتكوم عندنا ازايز،امليهم مياه ووانتي نازله اي حته خديهم لاي حد واقف ف الشمس هتكسبي ثواب .
-- هوي بيتك علي طول واصحي بدري ونامي بدري ده سبب البركه في البيت .
-- نضفي الشبابيك الالوميتال بحبه بريل وخل وكربوناتو وخففيهم بمياه ونضفي من غير تعب .
فريق// أوه لايف
