-- أسرار المحشي ...
-- أسرار المحشي ...
- مقدار الشوربه لمحشي الكرنب تكون الشوربه مغطيه كل طبقات المحشي ما عدا الطبقه الاخيره بس .
- مقدار الشوربه لمحشي البدنجان تكون الشوربه واصله لتلتين البتنجانه بس مش الحله كلها .
- مقدار الشوربه لمحشي الفلفل او الكوسه تكون الشوربه واصله لنص الكوسه بس ونوقف الكوسه بالطول .
- محشي ورق العنب لو خايفه يفك منك بتحط عليه طبق عشان الرز ميخرجش منه واول ماتنزلي بالشوربه تهزي الحله هزه خفيفه كده لضمان نزول الشوربه لاسفل .
- تسويه المحاشي عامة احنا بنسوي الرز مش الخضار .
يعني لو محشى باذنجان بتاخدي واحده تفتحها لو الرز استوا يبقا تمام تطفي النار متستنيش جلد الباذنجان نفسه يستوي لأن الرز هيكون عجن منك وده في حاله لو الباذنجان مش طازه ومركون بقاله كام يوم .
- المحشي بنسيبه علي نار عاليه وبعد كدا بنهدي النار تسويته زي الرز بالظبط مع مراعاه ان المحشي بياخد وقت أطول حسب نوعه .
- التلاته كيلو باذنجان ونص فلفل بياخدو كيلو رز مصري عشان ميبقاش مليان .
المحشي لو مليان رز جامد مش هيستوي والرز هيكون مدقدق .
- خضره المحشي بتكون شبت وكسبره وبقدونس ، النعناع مش في كل المحشي .
- توابل المحشي ملح فلفل كمون شطه كسبره .
- بنضيف معلقه صلصه عشان بتعزز اللون ويكون شكله جميل .
ألف هنا وصحة ،،
فريق // أوه لايف
