إعادة تدوير وأضرار الزيت المستعمل
إعادة التدوير للزيت المستعمل وأضراره ...
كان نفسي أعرف الناس اللي بتشتري الزيت المستعمل بسعر يصل لـ ٣٠ و ٣٥ جنيه بتعمل بيه إيه.... وأخيراً عرفت واكتشفت .....
- الناس دي بتشتري من حضرتك الزيت وبتبيعو بـ ٧٠ جنيه للمطاعم
- وبـ ١٠٠ جنيه لحضرتك تاني
- بعد إعادة التدوير
- طب إعادة التدوير دي بتتم ازاي
نتعرف مع بعض علي إعادة التدوير للزيت المستعمل ...
- كل 20 كيلو زيت بيتعملهم خلطه .
- بـ كيلو نشأ علي كيلو مياه بارده وبيدوبوأ النشا في المياه كويس جداً ثم تضاف إلي الزيت المستعمل، ويترفع علي نار هاديه جداً ، مهما كان الزيت أسود أو في رواسب أو زيت لحوم أو زيت سمك أو زيت مقلي فيه هتلاقي النشا سحبت كل الكلام ده، وتكتلت معاك فى قعر الحله .
- بيتم تصفية الزيت بمصفاه وبيرجع لونه أصفر صافي أحسن مما كان عليه.
ويرجع تاني لحضرتك
- علي صورة زيت نقي فاتح 100% وعمرك ما هتقدر تعرف أنه مستعمل قبل كده غير بالتحليل، هل بقا الطريقه دي صحيه لو حكمت عقلك وبحثت،هتعرف أنه مضر جداً جداً
- الكيلو ولا الـ 2 كيلو زيت اللي حضرتك بتبيعهم في الشهر، بيكونوا سبب في أذي لناس كتير تانية .
- حضرتك ممكن تكون بتشتري زيت عافية أو سلايت أو الأنواع النضيفه دي
لكن في ناس غلابه ماتقدرش علي سعرالأنواع دي، وبتشتري من الزيت السايب اللي كنا لسه بنحكي عليه.
وعلي فكرة أغلب مطاعم الفول والطعميه والمطاعم عموما بتستخدم زيت مجهول معبأ في جراكن قذرة صفراء أو سوداء لرخص سعره .واللي هو طبعاً معمول ليه إعادة التدوير .
فريق// أوه لايف
