وصفة الريزو
وصفة أرز الريزو من الوصفات اللي بيحبها أطفالنا، وبما إنها أصبحت مكلفة، فقررنا نقدمها لهم في البيت ...
المقاديرهي **
لتحضير الصلصلة **
- كوب كاتشب
- معلقة كبيرة عسل نحل 🍯
- معلقة كبيرة عسل أسود
- معلقة كبيرة صويا صوص
- معلقة كبيرة خل
- ربع معلقه صغيره (ملح، توم بودر، بصل بودر ، شطة)
- ربع كوب من صلصه الباربكيو(اختياري)
لتحضير الأرز **
- ٢ كوب رز مصري مغسول
- بصلة صغيرة مقطعة مكعبات صغيره
- توابل ربع معلقه من( ملح، فلفل اسود ، بابريكا، كركم، كاري)
- ٢ معلقة صغيرة ممسوحة سكر
- مكعب مرقة دجاج
- ربع كوب من الصلصة اللي فوق
لتحضير الفراخ **
صدور فراخ مقطعة اصابع
المكونات الجافة *
٢ كوب دقيق
( ملح، فلفل اسود، توم بودرة ، زنجبيل بودره ، بابريكا)
طريقة تحضيرها **
- هنجهز أول حاجة الصلصة ، هنحط كل مكونات الصلصة في بولة و نقلبها كويس جدا
- هناخد حوالي ٣ معالق كبار من الصلصة و نتبل بيها الفراخ و نغطيها و نسيبها في التتبيلة مش اقل من ساعة
- في الحلة اللي هنعمل فيها الرز ، هنحط معلقة كبيرة زيت و معلقة كبيرة زبدة و اول ما الزبدة تسيح نحط السكر و نقلب لحد ما يبدأ يتكرمل و لونه يبقى دهبي ، هنا هنحط البصل و نشوحه و نحط مكعب المرقة و لما يدوب ننزل بالتوابل بتاعه الرز اللي مكتوبه فوق 👆
- وبعدين هننزل بربع كوباية من الصلصة و نقلبهم و نحط الرز و نقلبه كويس و بعدين نحط مية مغلية و نغطي و لما الرز يتشرب المية نهدي النار خالص لحد ما يستوي ...
- هنيجي بقى للفراخ ، هنجهز المكونات الجافة كلها في طبق و نقلبهم كويس و جنبه طبق غويط فيه ميه ، هناخد كل قطعة فراخ نغلفها بالدقيق و بعدين نحطها في المية و نرجع نغلفها تاني بالدقيق ، بعد ما نخلص الكمية هنقليها في زيت درجة حرارته متوسطة ، مش هياخد وقت هيستوي على طول و تاخد لون دهبي .
- هنقطع قطع الفراخ بعد ما اتحمرت لمكعبات كبيرة (وممكن قبل التحمير) و نقدم الرز في طبق و عليها قطع الفراخ و نحط على الوش باقي الصلصة ....
صحتين وهنا ،،،
فريق// أوه لايف