نصائح لتلميع و نظافة مطبخك
-- يعض النصائح لتلميع و نظافة مطبخك هتفيدك وغير مكلفة
- علشان تشيلى الاستيكر من على البوتجاز أفضل حاجة الباور،أو لاستر، ولو مش متوفر عندك ميه سخنة من الكاتيل وصبيها على مكان الاستيكر من فوق هيطلع معاكى بسهولة .
- البوتاجاز بعد كل طبخ واستخدام، امسحيه بسفنجه وصابون ولمعيه بفوطه او قماشه قطن يوميا اعتبريه زي المواعين عمرك ما هتحتاجي لمنظفات .
- هقولك علي وصفة لتنظيف البوتجاز، والسيراميك، والسيراميك، والارضيات، وكمان لتنظيف الأنتريه والسجاد، جهزي جركن الصابون السائل فاضي وهاتى المكونات اللى هقولك عليها وحطى فيه كوب سائل مواعين اى نوع بتستخدميه وبعدين، ربع كوب كلوركس ألوان ونصف كوب خل وكملى الجركن ميه مغلية ضرورى الميه تكون مغلية ورجيه ، رهيب في التنظيف.
-
لازم يكون عندك بخاخة فيها خليط من الخل والميه، للتنضيف والتعقيم في أخر يومك لمعى بيها بوتجازك قبل ما تنامى وكمان الرخامة والحنفيات وحاجات كتيره ممتازة .المطبخ لازم يكون فيه فوطتين تلاتة على الأقل، واحده تمسحى فيها ايدك، وواحدة تمسحى بيها اى حاجة تبهدل البوتجاز والتالتة علشان تلمعى بيها الرخامة او اى حاجة تانى .
- الشفاط شوية كربوناتو على شوية خل وميه سخنة وسبيه يتنقع اقل حاجة ربع ساعة، وبعدين ادعكيه بصابون مواعين هينضف ويبقى فل .
فريق// أوه لايف
