تعملي إيه لو باب الثلاجة مش بيقفل ؟
-- لو باب الثلاجه مش بيقفل كويس تعالي اقولك تعملي ايه وازاي تغسلي التلاجه وتعقميها ....
-- هتفضى التلاجه وتكنسيها بفرشه ناعمه، من أي بواقي فيها ..
- هاتى طبق فيه كوب خل ونص كوب بيكربونات صوديوم (كربوناتو) واعصرى عليهم ليمونه كبيره وتسبيهم لما الفوران يهدى خالص .
- هناخد منهم بسفنجه وندعك الجوانب والارفف وكل التلاجه .
- هاتى بعد كده فوطه نظيفه قطن مبلله بالميه ومعصورة وامسحى تانى كويس .
- سيبى التلاجه مفتوحه شويه تتهوا وتكونى محضره فنجان صغير فيه ملعقتين كبار بن (قهوة) وتحطيه على الرف وتسبيه بدون غطاء بيسحب اى روايح فى التلاجه ومش بيسيب ريحه زى الفانيليا او المعطرات .وحطي واحد كمان فى الفريزر لو بتخزنى ثوم .
- لو باب الثلاجه مش بيقفل كويس غرقى فوطه قطن بماء ساخن جدا ومشيها على الكاوتش اللى فى الباب واقفلى الباب واضغطى كويس عليه وسبيها ربع ساعه لان السبب بيكون ان الكاوتش نشف والحراره بترجعه تانى لطبيعته .
فريق// أوه لايف
