-- نصائح مطبخية من دهب ....
-- نصائح مطبخية من دهب ....
- لما تقدمي التفاح لأولادك او لضيوف عندك قوريه بالمقوار وهتشيلي القلب بسهوله وهيكون شكلها ظريف ويفتح النفس. 🍎
- وكمان الخيار حطيه في علبه بلاستك ورصيه جمب بعض وكل طبقه والتانيه بينهم مناديل هتحافط عليه بالشهر في التلاجة.
- تعرفى انك لما تيجى تعملى معجنات وتضيفى للدقيق بيكنج بودر مع الخميرة العجينة هتبقى احلى وهتعلى اكتر .
- وانتى بتعملى معجنات حطى معلقة خل على الدقيق هيخلى العجينة هشة معاكى .
- لو عندك اكلة محتاجة كريمة وملقتيش دوبى معلقتين زبدة مع لبن كامل الدسم واستخدميهم وهيبقى عندك كريمة طبيعى.
- لو عايزة اكلك خفيف شوحى البصلة على النار من غير زيت او سمنة بس وطى النار والبصلة هتنزل ميتها وتستوى فيها وبهريها على النار وانزلى بالطماطم وكلى احلى تسبيكة من غير دهون .
- لو الطاسه سخنت أوي متنزليش بالسمنه انزلي بالبصل الأول وبعد كده السمنه عشان متتحرقش منك.
- متحطيش عصير الليمون علي الجمبري المقلي عشان الدقيق ميقعش من عليه .
- لو درج الثلاجة مليان حطى الخضار فى الازايز اليلاستيك ومعاها ملعقة أستانلس هتمتص الرطوبة .
فريق// أوه لايف
