مهارات الحياة للأطفال ...
مهارات الحياة للأطفال ...
-- زى ما بتكونوا حريصين جدا تعلموا أ طفالكم الدراسة علموهم كمان مهارات الحياة ...
-علم طفلك إزاى يتعرف على أصحاب وإزاى يبتدى حوار ويشارك ف حوار وازاى ممكن يكون اصحاب .
-علمه ان ينفع يصاحب اصحاب كتيير ومش معنى ان صاحبه بقى عنده صاحب تانى يبقى كده بطل بيحبه ، ينفع يكون بيحبه ويعرف صاحب تانى.
-علمه إن ينفع نفقد اصحاب والعلاقات ممكن تتغير ، وان لو صاحبه مشى مش معناه انه سيء او مش بيحبه وان دى طبيعة العلاقات انها مش ثابته.
-علمه إن لما صاحبه يتريق عليه فمعناه ان صاحبه بيعمل تصرف غلط مش إن عنده عيب او انه وحش وان كلام صاحبه يخصه مش بيعبر عنه .
-علمه إزاى يقول كلام لطيف يقرب الناس منه وإزاى يعمل حدود لما حد يسيء ليه .
-علمه لما صاحبه يضايقه بالكلام إزاى يعلن رفضه ويرد بطريقة تحمية انه يتأثر بكلام صاحبه.
-علمه إزاى يطلب حقه أو يدافع عن حقه بطريقة لطيفة.
-علمه ان كلمة لا من حقه ومش لازم يوافق على كل طلب من اصحابه علشان يرضيهم.
-علمه إن الشخص فى وسط مجموعة بيأثر عليها فلو صاحب وسط شلة أثر على باقى المجموعة وبقت ضده مش معناه انه وحش ومحدش بيحبه لكن معناه ان له تأثير قوى على شلته .
-علمه إنه يستاهل يتحب من غير مايقدم حاجه لحد ، ومش محتاج يوافق على كل طلب من اصحابه ويحاول يرضيهم طول الوقت حتى لو على حساب نفسه علشان يحبوه ، هو محبوب لكونه هو .
- الدراسة جزء من التعليم لكن لوحدها ماتكفيش لشخص يتعايش مع الحياه بأقل معاناة ، من اسباب معاناة اطفال وكبار نقص مهارات الحياة ، من اسباب اضطرابات نفسية لاطفال وكبار ان مكانش فيه توجيه او تعليم لأى خبرات او مهارات الحياه .
ربنا يحفظ أولادنا ،،،
فريق// أوه لايف
#
