معلومات مفيدة للمطبخ
**هقولك علي معلومات مهمة ومفيدة هتنفعك في مطبخك ،،،،،
- لمطبخ راتحته جميلة ضعي في ماء المسح معطر.
- طاسة المقلية اغسليها دائما بعد ماتخلصي علي طول ماتسبيش فيها الزيت عشان ماتكونش الطبقة السودة.
- لو وقع زيت علي الارض بلاش تمسحيه بفوطة رشي عليه ملح وسيبيه ٣ دقائق وبعدين اكنسيه بالمقشة مش هتلاقي اي أثر.
- اوعي تشيلي المواعين من غير ما تصفيهم لازم يتصفوا قبل ما يترصوا في المطبخ.
- لو حاجة فارت علي البوتجاز والنار شغالة اوعي تسببها اطفي النار وامسحيها علي طول لو اتحرقت هتبقي صعبة التنظيف.
- لتنظيف المطبخ سيراميك وجدران وارضيات يذاب قليل من الخل والليمون في ماء دافئ ويلمع السيراميك.
- بعد ماتخلصي الغدا اغسلي المواعين علي طول وبكده مش هيتراكم عليكي مواعين والمطبخ يفضل نضيف.
- ضيفي شوية خل وملح ليمون مع صابون المواعين بيديها لمعان ويزيل اصعب الدهون.
- احرصي على تغيير ليفة المواعين كل فترة حتي لاتتكاثر عليها البكتريا.
أتمني تكون المعلومات مفيدة ،،،،
فريق// أوه لايف
