متجريش ورا ولادك بطبق الاكل
-- عزيزتي الأم .. الأمومة محتاجة صبر ..
-- متجريش ورا ولادك بطبق الاكل 
-- لانه من اسوأ العادات اللي بتجيب نتيجة عكسية مع الاطفال هي الاصرار علي انك تأكليهم بالعافية، كل اللي بتقدميه مع مراعاه انك لازم تكوني حاطة الكميات اللي المفروض ياكلها حسب وزنه و سنه مش الكمية اللي انتي نفسك ياكلها 
-- لأن الزعيق مع الطفل و المحايلة عليه و الجري وراه بالطبق عشان ياكل بينتج عنه 
- ان الطفل بيتعود انه مش هيقعد ياكل و انك هتفضلي تجري وراه غصب عنك لحد متفقدي كل اعصابك
- هيكرهه الوقت اللي بيتحط فيه الاكل قدامه، و هيكون نفسيا كل مرة حاسس انه هيتزعق له، او هيتضرب و بالتالي بطنه هتتقفل و نفسه هتتسد زي اللي داخل علي امتحان و خايف من النتيجة
- و مش معني كدة انه خلاص هتتجاهلي الامر، لا انتي الموضوع في دماغك بس سيباه براحته و تحاولي انه ياخد طول الوقت انواع كويسة من الاكل، من ضمنهم الحاجات اللي بيحبها مع البعد تماما عن الشيبسي و الحلويات و المشروبات الغازية و البسكوت و الشاي بلبن و العصاير الجاهزة المليانة سكريات عشان
اجعلي ابنك وقت الاكل تبقي نفسه مفتوحة ،،،
فريق// أوه لايف
