-- شوية نصائح بسيطه......
-- شوية نصائح بسيطه......
- حطي التوابل في درج الثلاجة عشان الحراره بتخليها تسوس وتفقد نكهتها .
- حطي الخل والليمون والملح علي السلطه عند التقديم عشان الخضار ميدبلش .
- في اي عجينه فيها خميره اعجني بميا دافيه زي دمعة العين بتنشط الخميره وتحافظ علي العجينة بلاش مياه سخنه هتموت الخميره وبالتالي العجينة هتبوظ .
- ضيفي نص معلقه صغيرة سكر علي اي تسبيكة طماطم بتعادل حموضة الطماطم وتخليها خفيفه على المعده .
- لو عندك بكينج صودا مركونه وعاوزه تعرفي لسه صالحه حطي معلقه منها علي معلقه خل لو عمل فوران تبقي صالحه للاستخدام .
- لو هتحمري الفراخ بعد ما تسلقيها بعد ماتبرد عفريها بالدقيق وحمريها في زيت غزير هتطلع لونها حلو وزي بتاعة المطاعم .
- الرز يتشوح الاول في زيت ورشة ملح وفي نص السوا حطي معلقه زبده او سمنه علي وش الرز هتلاقي ريحه وطعم روعه .
- عندك جبنه نشفت في الثلاجة انقعيها في شوية لبن سخنين واضربيها في الخلاط مع معلقة قشطه هتبقي جبنه كريمي تحفه .
- لما تيجي تشتري الخضار المجمد لو كان الخضار كتله واحده اوعي تشتريه لان ده اتفك واتجمد تاني .
- لو الحوض بتاعك اتسد حطي مياه غازيه غامقه وبعدها حطي ميا سخنه و كربوناتو وسبيه شويه .
- اغسلي الخضره قبل ما تقطعيها علشان متفقدش فايدتها .
- لو الاكل بقي مالح قشري بطاطسيه وقطعيها مكعبات وحطيها علي الأكل وهو علي النار وشيليها قبل التقديم .
- لو عندك مقص مش بيقص كويس هاتي ورق فويل قوي واعملي منه طبقات فوق بعض وقصيها بالمقص كذا مره هيرجع جديد
فريق// أوه لايف
