مجال للطف الله سبحانه وتعالي
-- عود نفسك دايما تسيب مجال للُطف الله سبحانه وتعالى في حياتك .. متخليهاش دايما محسوبة بالمللي سيبها على الله شوية .
-- متحسبش الفلوس اللي في جيبك طول الوقت وتبقى دايما عارف هي كام وحاسبها بالمللي، أصرف منها في اللي يرضي ربنا وفي اللي أنت محتاجه وسيب تدبيرها على ربنا هتلاقيها كفت وزيادة وهتشوف لطف ربنا الكبير فيها. ( اصرف ما في الجيب يأتيك ما في الغيب) .
-- نظم وقتك ومواعيدك وحافظ على صلواتك وسيب من وقتك لله هتلاقي لُطف ربنا كبير في وقتك و في مواقف حياتك .
-- حساباتك البشرية قاصرة جدًا ولطف ربنا كبير جدًا جدًا أنت محتاجه في كل حاجة في حياتك مش في الوقت والفلوس بس، فاتعود تسيب مجال للطف ربنا ف حياتك واتفرج على الجمال .
فريق// أوه لايف
