نصائح لعشر ذي الحجة
نصائح لعشر ذي الحجة
- الصيام ....
- مش صعبة، خالص إنك تصوم 9 ايام ، بس الشيطان مش هيسيبك، وهيحسسك إنها صعبه بس انتَ كنت بطل وصومت رمضان كامل اللي هو 3 أضعاف ذو الحجه ، فـ متستتقلش الموضوع دي حسنات مضاعفة خسارة تضيعها .
- صلاة القيام ...
- صلاة القيام مهمة خالص، خصوصاً في هذه الأيام، حتي لو هتصلي ركعتين بعد العشا وتوتِر بركعه برده هتاخد الثواب، ولو مش قادر النبي صلي الله عليه وسلم قال "مَن قرأ آخر آيتين من سورة البقرة كفتاه" العلماء قالوا تكفي المسلم قيام تلك الليلة أو تكفيه السوء في تلك الليلة.
- قراءة القرآن ....
- عندك وقت؟ تقدر تختم القرآن في 10 ايام كل يوم 3 أجزاء ، بتشتغل أو بتدرس "حط نيه لله عشان تاخد أجر" ، وحاول تقرأ ماتيسر من القران ، المهم المصحف يتفتح كل يوم ، وافتكر إن الاجر مضاعف اوعى تضيع الفرصه دي.
- الصدقة ....
- لو قدرت تطلع كل يوم صدقه يبقي يا بختك ، ولو معرفتش؟ طلع ياسيدي ولو مره في الأيام الجميله دي ، وياسلام بقي لو شاركت في إطعام.
- الدعاء ...
- الإلحاح في الدعاء ، ادعي بكل حاجه بتتمناها مفيش حاجه مستحيله على ربنا ، متدعيش بالقليل كرم ربنا مالوش حدود ، ادعي بكل يقين ومتنساش حبايبك وأموات المُسلمين واعمل قائمة بالدعوات من النهارده بإذن الله.
- - الذكر ...
- اذكر ربنا وخلي سبحتك في إيدك طول الوقت :
- في مدرستك ، جامعتك ،شغلك أو في المواصلات، ماشي في الطريق خلي الذكر دايمًا علي لسانك ونوّع مابين الاستغفار والتكبير والحمد والتسبيح.
- السحور ...
- النوم على وضوء وأذكار النوم.
- قراءة سورة المُلك كل يوم ( المنجية من عذاب القبر) ...
- لو بتحب حد قوله إنك بتحبه في الله.
- الدعاء بظهر الغيب لغيرك.
- كظم الغيظ ....
- التبسُم .....
- الكلمة الطيبة
- وغيرهم ....
· شوفوا حاجات بسيطه إزاي لكِن سُنه وعليها ثواب ومُضاعف بإذن الله في الأيام الجميلة دي
· مش هيبقي نفاق منك أبدًا إنك تصلح نفسك الفتره دي تحديدًا ، ملكش دعوه بكلام الناس وحاول بكل ما أوتيت من جُهد.
· اللهم اجعل تذكيري صدقة جارية عني و عنكم و عن ال بيتي و عن موتانا و موتى المسلمين أجمعين ....
· اللهم لا تنقضي العشر الا بفرج ....
· يجعلنا نسجد لك نبكي من شدة الفرح والفرج لأهل غزة و الىىىودان وبلاد المسلمين جميعا ،،،
تقبّل الله منّا ومنكم صالح الأعمال ،،،
فريق// أوه لايف
