- بما إننا داخلين علي عيد الأضحي، كل عام وأنتم بخير،،،، من الأكلات اللي لابد من وجودها علي السفرة ، سواء كنا في عيد أو أي عزومة مثلاً ، ويفضلها الجميع خاصة الأطفال مع سلطة الطحينة ....
** كفتة الحاتي ....
-- مقاديرها كالاتي .... 🍡
-- كيلو لحمه + ربع كيلو دهن او ليه ..
-- بصلتين كبار مفرومين ، ومعصورين ، نحتفظ بمياه البصل .
-- معلقة ص فلفل أسود.
-- معلقة ص ملح .
-- نصف معلقة بهارات لحمة، أو كفتة .
-- نصف معلقة ص كبابة صيني .
-- بقدونس مفروم .
-- طريقة التحضير .... 🍡
-- اللحم المفروم يكون مفروم فرم ناعم ، نضيف عليها ،ملح وفلفل، وكبابه صيني، والبصل المفروم ، وبهارات الكفته .
-- قومي بعجن جميع المكونات كويس جداً، حتي تصبح العجينة متجانسه ومتفكش منك .
-- هناخد مية البصل ونحط عليها معلقة زيت، ومعلقة صلصة ، ونبدأ نصبع الكفتة .
-- ندخلها الفرن، أو نسويها علي البوتجاز .
-- ونضع فحمة والعة ، علي معلقة زيت ، علي ورقة فويل، ونضعها علي صينية الكفته ، ونقفل عليها، وغطيها ، تحصلي علي طعم كفتة الحاتي بالظبط ...
-- قدميها مع سلطة طحينة، وأرز بسمتي ، أو مكرونة ، مع عيش ....
