التعامل مع المراهق
** 7 حاجات هتفرق معاك في التعامل مع سن المراهقة ....
1-اسال نفسك، انت عايز توصل لايه مع ابنك؟
- أهم هدف توصله انك ترجع الثقة والعلاقة الحلوه بينك وبين اولادك.
2-فى كل موقف مع ابنك المراهق، اسأل نفسك طريقة كلامك وصلتله اي رسالة؟
- أهم رسالة توصله انك بتحبه مش انه لازم يذاكر.
3-استخدم مشاعرك وحبك وليس سلطتك
- لما تستخدم سلطتك مع ابنك المراهق ده بيجيب نتيجة عكسية خد بالك .
- استخدم مشاعرك وضعفك وبيّن حبك وخوفك عليه من غير أوامر وحكم عليه باستخدام قوتك او سلطتك عليه.
4-افهم لغة الحب بتاعة اولادك
- ولادنا مختلفين وطرق احساسهم بالحب مختلفة، دورك انك تفهم الطريقة اللي بتحسس ابنك بحبك وده لو ما عرفتش تلاحظه من المواقف اعرفه من الكلام المباشر، اساله، اعرف منه ايه التصرف اللي بيحسسه بالحب والقبول.
5-خصص وقت لقضاءه مع اولادك بعيد عن النصح واللوم والحب المشروط
- اعملوا اي نشاط مع بعض من غير ما تفضل تنصحه وتتكلم عن المذاكرة، اهتم بابنك اكثر ما تهتم بالمذاكرة وما تخليش المذاكرة هي محور الكلام الاساسي دايما.
- اعملوا فشار وكلوا مع بعض، انزلوا اتمشوا مع بعض، روحوا اشتروا طلبات البيت مع بعض.
تصرفات صغيرة وبسيطة لكن هتفرق جدا جدا مع ولادك وفي علاقتك بيهم.
6-لا تيأس ابدا ابدا
- مهما كان رد ابنك على محولاتك ماتيأسش، ما تنساش ان ابنك بقى كده نتيجة تصرفاتك القديمة معاه ومحاولة اصلاحه مش بالسهل لكن ممكنة عشان كده ما تياسش وخليك وراه لحد ما تبنوا علاقة قوية صحية.
7-اسأل المتخصصين
- أوقات كتير مش بنعرف نصلح أخطاء الماضى وحدنا وساعات كتير فعلا الاب والام او المراهق نفسه بيكونوا محتاجين مساعدة من حد ثقة فاهم ودارس كويس وعنده خبرة فى حالات كتير سابقة.
فريق// أوه لايف
