البيكينج بودر مش بس للحلويات
-- علي فكرة البيكينج بودر مش للحلويات وبس .....
-- البيكينج بودر له وصفات كتيره منها .....
** ضعي كيس بيكنج بودر في بخاخة ومعاه ربع كوب خل وشوية مياة ومعلقة صابون سائل هتلقيهم بيفورو عادي اقفلي البخاخة وبخي منهم على زجاج البوتجاز والاستانلس والحوض وتسبية شويه هتلاقي الدهون نزلت بسهولة وسلك بمنتهي السهولة هينضف
** الممبار هترشي علية كيس من البيكنج بودر وشوية ملح وشوية خل وتقلبيهم وسبيهم شويه هتلاقي الممبار نضف بكل سهولة لواحده....
** البطاطس الصوابع المقلية هتغسليها بعد ما تقطعيها صوابع وتحطيها في مياة وملح وكيس بيكنج بودر وتقلبيهم واقلي البطاطس واتفرجي على القرمشة الجامدة والطعم الرهيب....
** لو بتعملى كسكسى وعايزاه هش وخفيف وانتى بتعمليه حطى على الدقيق رشه بيكنج بودر...
** كمان لو حطينا كيس بيكنج بودر على الدقيق في عجينة الفطير المشلتت هتخلية يورق ......
** ضعي رشه بيكنج بودر على السمنه اللى بتدهنى بيها الرقاق او الجلاش هيخليه مورق وهش وخفيف.....
** لو رشتي منه علي اللحمة المفرومة لو هتعملي كفته أو حواوشي مش هتكش أبداً .....
** اي معجنات محتاجة تكون هشة هتحطي بيكنج بودر ونشأ هيكون بديل المحسن .....
فريق// أوه لايف
