قرع عسلى بالمكسرات و البشاميل
قرع عسلى بالمكسرات و البشاميل
** المقادير
-- ثمرة قرع 🍆
-- 2 كوب ماء
-- 2 كوب سكر
-- ملعقة صغيرة قرفة
-- 2 ملعقة كبيرة زبيب
-- كوب مكسرات مفرومة (فول سوداني/ بندق/ فستق/ لوز.. حسب المتوفر)
** مقادير البشاميل
-- 2 كوب لبن
-- 2 ملعقة كبيرة سمن
-- 3 ملعقة كبيرة دقيق
-- كوب ماء سلق القرع
-- ½ ملعقة صغيرة فانيليا
** طريقة التحضير
1- قشري القرع وقطّعيه مكعبات، وبعدها حطيه في حلة كبيرة مع السكر والميّة، وسيبيهم على نار متوسطة، لحد ما القرع يستوي.
2- لما يبرد صفيه كويس، واحتفظي بالمية بتاعته، واهرسيه بالشوكة في طبق كبير، وضيفي عليه الزبيب والمكسرات والقرفة، وقلبيهم معاه بملعقة خشب كبيرة.
3- علشان تعملي البشاميل حمّري الدقيق في السمنة لحد لونه ما يبقى دهبي، وبعدها ضيفي عليه اللبن ومية سلق القرع بالتدريج، مع التقليب المستمر، لحد ما قوامه يتقل، ومتجانس من غير أي كلكعة، وضيفي عليه الفانيليا، واطفي النار.
4- حطي القرع في صينية متوسطة، ورصيه، وبعدها غطيه بالبشاميل، ودخليه الفرن على درجة حرارة 190 لمدة نص ساعة لحد وشه ما يحمرّ، ولما يبرد شوية قدميه..
وبالصحة والهنا..
فريق// أوه لايف
